نكت شعبية مغربية %100 غادي تضحك

واحد السيد صمك، كان جالس حدا واحد الطيابة.

خلاها حتا ناضت باش تسخر،

و هو يسرق ليها واحد دجاجة . و دارها في قبو..
...
ملي رجعت الطيابة، قالت ليه: السلام.

و هو يقول ليها: تي اينا دجاجة لهلا يطيح علينا شي باطل.
علي وبراهيم تشاركوا ف حانوت

واحد النهار، ناض علي علق على الحانوت پلاكة مكتوب عليها بالفرنسية

Alimentation générale
... ...
جاء براهيم قرا الپلاكة وكعا، وهو يبدلها ودار فيها
Brahimentation générale
واحد الولد قال لأمه: مي، محتاجك تمشي معايا غدا للمدرسة
قالت ليه أمه: علاش أولدي؟
قال ليها الولد: قال لينا الاستاد اليوما، اللي ما جاش داير التمارين غدا غادي نضرب مو



هادا واحد الاستاذ ناوي اسلخ التلاميذ ديالوا قاليهم رسموا ليا قطار فوق السكة أو كيتمشا.صافي بقا كيدور عليهم كيلقاهم راسمين التران والسكة ويجبد معاهم بشي تصرفيقة علاه هدا كيتمشا حتى وصل عند واحد الكسول لقاه راسم غير السكة قاليه الاستاد فين هو التران قاليه يالاه داز.



هادا واحد الاستاد كيعلم لواحد التلميد عملية ناقص، قال ليه: جوج ناقص جوج شحال تيبقى ؟

التلميد : معرفتش

الاستاد جبد ليه جوج كرواصات، وقال ليه : شحال هادو؟
... ... التلميد :جوج كرواصات

الاستاد :هاك كول هادي، زيدك هادي، شنو بقى دابا ؟

التلميد: شي بـرّاد ديال اتاي بعقلو.